30 июльдә Арча Боз сараенда авыл хоккей командаларында уйнаучылар өчен уку–өйрәнүләр белэн сезон башланып китте. Аны ачу тантанасында район башлыгы Илшат Нуриев катнашты. Ул балаларга уңышлар теләде, киләчәктә авыл жирлекләрендә спортның бу төрен киңрәк җәелдерергә, мәктәп янындагы мәйданчыкларны буш тотмыйча, хоккей уйнарга, үзара да, мәктәпләр арасында да ярышлар оештырырга чакырды.

4 августка кадәр барачак уку–өйрәнүләрдә Яңа Кенәр, Иске Ашыт, Яңа Кырлай, Носы, Апаз авылларыннан, Арчаның үзеннән барлыгы 20 бала чакырылды. Ул үзенчә бер лагерь  формасында оештырылган. Балалар иртәдән кичкә кадәр  Боз сараенда залда, бозда шөгыльләнә, тренерлар аларны хоккейның төрле алымнарына өйрәтә. Төп тренерлары Яңа Кенәр хоккей командасы тренеры, Иске Ашыт мәктәбенең физик культура укытучысы Марат Габделәхәтов. Ул яшь хоккейчылар белән биш көн дәвамында өзлексез бергә. Боз сараеның башка тренерлары да чиратлап балалар белән шөгыльләнә.

Әмма җыен өйрәнүләр белән генә чикләнми. Балаларның биредә үткән көннәре кызыклы булсын өчен төрле темага чаралар да оештырыла. “Минем тормышымда спорт” дигән рәсемнәр бәйгесе, “Брейн–ринг” уены, юл хәрәкәте кагыйдәләре буенча викторина, күңелле стартлар, “Казансу” паркына экскурсия, спорт уеннары һәм башкалар.

Спортчылар йокларга Арча педагогика көллияте тулай торагында кала. Бу җыен – авыл балалары өчен алдагы сезонга әзерлек. Төп идеясе дә –  авылда хоккейны үстерү.

6 мая 2018 г. в п. Лесхоз Сабинского муниципального района РТ состоялся Турнир по хоккею, посвященный 73-й годовщине ВОВ. Команда 2008 г.р. заняла 3 место. Поздравляем юных хоккеистов и их тренера Уварова Е.А.