Бүген балалар иҗаты Йортында район күләмендә мәктәп укучылары арасында шахмат ярышы үткәрелде. Ярышта барлыгы 7 команда катнашты, алар арасында Балтач районы Борбаш урта мәктәбе командасы да бар иде. Командалар арасында: 

1 урын Ашытбаш (Яңа Кенәр балалар иҗаты Йорты) мәктәбе

2 урын АСОШ №2 мәктәбе

3 урын Шушмабаш мәктәбе ,                       гомуми нәтиҗәләр буенча Балтач районы Борбаш мәктәбе 1 урын алды.

Шәхси беренчелектә (кызлар арасында)                                                             (малайлар арасында)

1 урын Шәрипова Фәйрүзә (Борбаш мәктәбе)                                          Шарипов Илфат (Ашытбаш мәктәбе)

2 урын Багазетдинова Диния (Борбаш мәктәбе)                                     Галяутдинов Нияз (АСОШ №2)

3 урын Нуруллина Гөлнур (Ашытбаш мәктәбе)                                       Нурмухамметов Султан (Борбаш мәктәбе)

Җиңүчеләрне котлыйбыз!

Өстәмә белем бирү педагогы Загидуллина Г.В. "Инвалидлар декадасы" уңаеннан интернат - мәктәптә театр түгәрәгенә йөрүче балалар белән "Шалкан" әкиятен сәхнәләштерделәр. Спектакль  бик күңелле узды.

"Хореография" түгәрәгенә йөрүче балалар (җитәкчесе Хакимова Л.Ф)  Арчага бассейнга су коенырга бардылар.

Өстәмә белем бирү педагогы Хакимова Л.Ф. "Ләйсән" бию коллективына йөрүчеләр белән Яңа Кенәр янгын бүлегенә экскурсиягә бардылар. Аларга янгынның  куркынычлыгы турында аңлаттылар,куркынычсызлык  кагыйдәләре белән таныштырдылар.

2 нче декабрь көнне, "Балалар фольклоры" түгәрәгенә йөрүчеләр (җитәкчесе Вильданова  Г.Ш.)  Балтач районы Кенә төп гомуми белем мәктәбендә Бөтендөнья татар конгрессы башкарма комитеты уздырган Римма Ибраһимова исемендәге “Талантларны барлар чак” районара ачык конкурс-фестивалендә катнаштылар. Елисеева Камилла, Гәрәева Назлыгөл нәфис сүз номинациясендә , Низамов Раил "Композиторлар әсәрләре" номинациясендә катнашып сертификат һәм китап белән бүләкләнделәр. Ә балалар "Фольклор" номинациясендә  икенче дәрәҗәдәге дипломга лаек булдылар. 

Өстәмә белем бирү педагоглары Нуриева Г.Ф. һәм Латыпова Р.Н. түгәрәкләргә йөрүче балаларга "Каз өмәсе" бәйрәмен күрсәттеләр. Өмәдә катнашучылар каз йолкыдылар һәм матур итеп күңел ачтылар.

Балалар иҗаты  Йортына түгәрәкләргә йөрүче балалар арасында дартс буенча ярыш уздырылды. Нәтиҗәләр түбәндәгечә:

1 урын - Галимҗанов Ирек

2 урын -  Хадиева Регина

2 урын - Ермакова Илүзә

3 урын - Салихҗанова Гөлназ 

Бүген Ашытбаш урта мәктәбендә "Хореография" түгәрәгенә (җитәкчесе Абуллаҗанова Г.Г.) йөрүче балалар музейга экскурсиягә килделәр.

Бүген "Лөйсән" бию коллективына йөрүче балалар әниләрен бәйрәм белән котлап бик матур кичә үткәрделәр. Алар әниләре белән командаларга бүленеп үзара көч сынаштылар. Нәтиҗәдә кызлар командасы җиңү яулады. Чараны өстәмә белем бирү педагогы Хакимова Л.Ф. оештырды.

Рәсем һәм дизайн" түгәрәгенә йөрүче Галиева Диана (җитәкчесе Ахметзянова Р.А.) район күләмендә уздырылган "Тукай эзләреннән..." исемле фоторәсем - сәяхәт, рәсем конкурында 3 урын яулады. Аны җиңүе белән чын күңелдән котлыйбыз.