Бүген безнең бакчабызга кадерле әниләребез кунакка - "Мин әниемне яратам!" дигән бәйрәм кичәсенә килделәр. Без аларга үзебезнең һөнәрләребезне күрсәттек. Әниләребез дә безгә кушылып уеннар уйнадылар. Бәйрәм кичәсеннән соң, барыбыз бергә җыелып табын артында чәй эчтек. Бәйрәмебез бик күңелле үтте. 

Бүген бездә күптән көткән кунагыбыз - китапханәче Гөлфирә апабыз булды. Ул безгә матур - матур китаплар алып килде. Әниләребезгә багышланган күп кенә шигырьләр белән таныштырды. Гөлфирә апабыздан бер дә аерыласыбыз килмәде. Тагын күрешергә сүз куешып, саубуллаштык. 

Максат: әниләргә бәйрәм белән котлап, открытка ясауны дәвам итү. Балаларда әниләргә карата ярату хисләре тәрбияләү. Төсле кәгазьләр, кайчы, келәй, карандаш белән дөрес эшләү кагыйдәләрен камилләштерү. Балаларда төгәллек, чисталык, җаваплылык тәрбияләү.

Максат: балаларны бүлмә гөлләренең үзенчәлекләре һәм өлешләре белән таныштыру. Табигатькә карата сак караш, шәфкатьлелек тәрбияләү. Гөлләрне тәрбияләүне өйрәнүне дәвам итү.

Әкиятләрне сәхнәләштерү - балаларда мөстәкыйльлек, җаваплылык тәрбияли. Сөйләм теленең байлыгын арттыра.

Максат: Габдулла Тукай әкиятләре белән танышуны дәвам итү. Балаларда игътибарлылык, мөстәкыйльлек тәрбияләү. Бәйләнешле сөйләм телен үстерү.

Максат: " Әниләр көне"нә әзерлекне башлау. Әниләргә карата мәрхәмәтлелек, кешелеклелек сыйфатлары тәрбияләү. Әниләрнең дөньяда иң кадерле кешеләр икәнлегенә төшендерү, ярату хисләре тәрбияләү.

Соңгы көннәрдә Татарстан Республикасында терактлар ясау мөмкинлеге турында төрле сүзләр йөри. Шул уңайдан безнең балалар бакчасында, "Терроризм - уяулык таләп итә" дигән тема астында әти-әниләр белән җыелып сөйләшү булды. Дөньяда булган вакыйгалар бездән дә уяулыкны тәлап итә, җәмәгать куркынычсызлыгын тәэмин итү барыбызга да кагыла.

Тема: "Дом и двор". 

Цель: вызвать интерес к русскому языку и желание учить его. Учиться воспринимать и понимать русскую речь. Научить ребенка сопереживать, жалеть, сочувствовать, понимать, помогать.

Максат: [М] авазы һәм М хәрефе белән таныштыру, капма-каршы мәгънәдәге сузләрне-антонимнарны сөйләмдә кулланырга өйрәтү. Җөмлә төшенчәсе белән таныштыру. Игътибарлылык, мөстәкыйльлек, җаваплылык хисләре тәрбияләү.