Бүген мәктәп-бакчабыз балалалар тавышыннан шау-гөр килеп тора. Укучыларыбыз озын кышкы яллардан соң, 3 нче озын чирекне башладылар. Аларга  укуларында, иҗади һәм  класстан тыш  эшләрендә уңышлар телибез!

Кыш бабай белән күңелле уеннар каникул чорында да дәвам итә. Укучыларыбыз авылыбызның мәдәният йортында балалар өчен оештырылган күңелле уеннарда актив катнаштылар.

Балалар бакчасында Яңа ел тамашасы бик күңелле үтте. Кыш бабайга нәниләр үзләренең һөнәрләрен күрсәттеләр, ә Кыш бабай аларга бүләкләрен өләште.

Шурабаш мәктәбендә шашка-шахмат буенча, профсоюз членнары арасында үткәрелгән зона ярышларында безнең мәктәп-бакчабыз укытучылары да актив катнашты. Шахмат буенча Мәгъсүмова Г.Х. - II урын, шашка буенча Котдусова Г.М. - III урын яуладылар. Котлыйбыз сезне!

Бүген мәктәп укучыларының Чыршы бәйрәмнәре булып узды. Бәйрәм әкияти-тамаша белән башланып китте. Урман геройлары, шүрәле, убырлы карчык-  Кыш бабай һәм Кар кызының юлларына аркылы төшеп, төрле маҗараларга тап булдылар.

Әкиятнең ахыры бик кызык тәмамланды. Чыршы бәйрәмендә укучылар рәхәтләнеп җырладылар, биеделәр, шигырьләр сөйләделәр. Бәйрәм ахырында Кыш бабай онытып калдырган бүләкләрен тапшырды. Шулай ук алдынгы укучыларның әти-әниләренә рәхмәт хатлары , төрле конкурсларда җиңүчеләргә грамоталар тапшырылды.

Зоналарда "Ел укытучысы-2017" конкурслары булып узды . Безнең мәктәпнең башлангыч класслар укытучысы Галяутдинова Илүзә Риф кызы катнашты. Ул комиссия каршында бик уңышлы чыгыш ясады.

Мәктәп-бакча коллективы кардан матур сыннар ясап куйдылар.Капкадан керү белән Кыш бабай һәм Кар кызы каршы ала. Аларның урталарында ел символикасы эт утырып тора. Алда мультфильм геройлары тезелеп киткән. Шулай ук кичләрен балкып янучы чыршы да үзенә чакырып тора.

Мәктәп-бакчада Яңа елга әзерлекләр бара. Мәктәп ишек алдында кардан сыннар ясала, урамга матур яна торган утлардан торган чыршы куелды. "Иң матур ёлка уенчыгы" конкурсы оештырылды. Укучылар үз куллары белән эшләп берсеннән-берсе матур уенчыклар ясап алып килеп, күргәзмә оештырдылар.