Җәмгыятебездә әниләрнең иҗтимагый әhәмиятен күтәрү максатыннан Россия Федерация Президенты 1998 елның 30 гыйнварында чыккан №120 номерлы карары нигезендә Россиядә ноябрь аеның  соңгы якшәмбесе ел саен "Әниләр көне" булып билгеләп үтелә.Быел ул 26 нчы ноябрь көненә туры килә. Шул уңайдан башлангыч класс укучылары әниләренә бүләк әзерләү эшенә керештеләр.Үз кулың белән эшләнгән бүләк әниләргә җан җылысы булып ирешсен!

Башлангыч классларның дәрестән тыш эшчәнлеге билгеләнгән көннәрдә төгәл алып барыла. Балалар актив катнашалар."Уңган куллар" дәресендә балалар бик тырышып бисер үрү серләренә төшенәләр.

Мәктәбебездә "Әниләр көнен" нә багышланган кичәләр дәвам итә. 6 класс укучылары классташлары Данилнең әнисен тәрбия сәгатенә кунакка чакырдылар. Флүзә Фердинандовна укучыларга үзенең мәктәп еллары турында сөйләде. Изге теләкләрен белдерде.

Районда әти-әниләр комитетларының республикакүләм "Бердәм класс серләре" конкурсы старт алды. Бүген бу бәйгедә мәктәбебезнең 6 сыйныф укучылары, сыйныф җитәкчеләре hәм әниләре белән матур чыгыш күрсәттеләр.

Бүген,14 ноябрь көнне 4,6,8 класс укучылары инглиз теленнән диагностик тест эшләделәр.Укучылар эшкә җаваплы карадылар hәм яхшы баллар җыярлар дип өметләнеп калабыз.

Мәктәптә Юнармия айлыгы бара. Аның кысаларында волейбол буенча класслар арасында ярышлар башланды.

Ноябрьдән мәктәп укучыларының Бөтенроссия олимпиадаларының муниципаль этабы башланып китәчәк. Шушы уңайдан мәктәп күләмендә олимпиадалар үткәрелде,җиңүчеләр ачыкланды.Мәктәп турында җиңгән сәләтле укучылар белән олимпиадаларга әзерлек эшләре дәвам итә.

Күңелләргә якты нур өләшеп,

Шатлык өстәп һәрбер йөрәккә.

Үз муллыгы белән көзләр килә

Йомгак ясап җәйге хезмәткә.