Март-апрель айларында үсемлек үсеше буенча аерым тәҗрибәләр үткәрәбез.Без  балалар  белән утырткан үсемлекләрнең үсешен даими күзәтеп, аны аерым тәрбиягә алып, индивидуаль эш алып барабыз.Балаларга экологик белем hәм тәрбияне без халык уеннары аша да алып барырга тырышабыз. «Болар нинди агач?», «Бу кайсы агач яфрагы?», «Уйлап кара әле» h. б. ш. дидактик, хәрәкәтле, татар халык уеннарын даими кулланабыз. Билгеле, бөтен баланың да уйлау, фикерләү hәм белемне кабул итү дәрәҗәсе бер үк төрле түгел, шуңа күрә без hәр баланың шәхси үзенчәлеген күз уңында тотып эшләргә тырышабыз. Баланың кече яшьтән үк табигатьне аңлап, аны яратып үсүе бик мөhим. Киләчәктә үзебез тәрбияләгән балаларның табигать сакчылары булуына ышанасы килә.