Лагерь балаларга һәр яңа көн бүләк алып килә.Тәрбиячеләр балаларны "Ерткычлар" һәм "Үлән ашаучы хайваннар" командаларына бүлеп, "Джунгли чакыра!" уенын үткәрде һәм күңелле танып-белү конкурслары әзерләде. Нәтиҗәдә, дуслык җиңде, шуңа да карамастан, балалар барыбер бик канәгать калдылар.

    Менә бүген дә балалар көндәгечә лагерьга җыелды. Гадәттәгечә иртәнге гимнастика ясатканнан соң, иртәнге ашка керделәр. Укучыларга яхшы сыйфатлы, витаминлы ризык бирелә. мәктәпнең зур спорт залында укучыларыбыз җитезлектә көч сынаштылар. Капчык киеп йөгерү, эстафета, аркан тарту кебек кызыклы уеннарда барысы да бик кыю һәм теләп катнашты. Командаларга көч биреп торучылар исә бик матур плакатлар ясарга, шигырь-такмаклар ятларга да вакыт тапканнар.  Ярышлар бик гадел узды, һәрвакыттагыча, бу юлы да дуслык җиңде

        Лагерыбызның бүгенге көне дә сәяхәтләргә бай булды. Күңелле викториналар, табышмаклар, конкурслар аша балалар белемнәрен искә төшерделәр, ныгыттылар. Җиңүчеләргә бүләкләр тапшырылды. Балаларга бик кызыклы һәм мавыктыргыч булды.

     "Дуслык ” ял лагереның унөченче көне дә сизелми үтеп китте. Бүген ул  табигатьтә, спорт залында күңелле уеннар уйнау белән  балалар күңелендә калыр. Ә табигатьтә скакалка сикерү, йөгерү ярышыннан алган бүләкләрне алар истәлек итеп сакларлар.

       Мәктәп яны лагереның эшчәнлеге дәвам итә. Иртәнге зарядкадан соң, башлангыч сыйныф укытучылары тарафыннан әзерләнгән кызыклы дәресләрдә актив катнаштылар. Укытучы апалары тарафыннан оештырылган төрле кызыклы уеннарда катнашып,  барысы да бүләкләр алдылар, биеделәр. Әлеге бәйрәм аларга бик ошады, вакыт үткәне дә сизелмәде

    Бүгенге көнебез дә бик күңелле үтте. Көнебез урамда төрле уеннар белән башланып китте.Тәрбиячеләр  төрле кызыклы уеннар, сәяхәтләр үткәрә. Балалар да бик теләп уеннарда катнашалар һәм аларга  бик ошый. Көнебез кызыклы   һәм файдалы үтте.

Лагерьның унынчы көне дә укучылар күңелендә озак сакланыр. Иртәбез  иртәнге зарядка белән башланып китте.  Әйдәман апалары аларга төрледән-төрле уеннар, ярышлар, экскурсияләр, кызыклы очрашулар оештыралар.Укучылар бик теләп йөриләр.

Лагерьда  Россия көненә багышланган бәйрәм чарасы үтте. Әлеге бәйрәмнең максаты - туган илебезгә мәхәббәт һәм хөрмәт тәрбияләү. Россия гимны яңгыраганда тантаналы рәвештә илебезнең флагы чыкты, аның төсләренең мәгънәләрен нәни ял итүчеләребез бик яхшы белә икән! Барлык балалар басып, гимнга кушылып җырлады. Бу көнгә багышлап, алар төрле концерт номерлары да әзерләп килгәннәр: Россия турында шигырь сөйләү, җырлар булды, шулай ук балалар тәрбиячеләре белән берлектә флешмоб-бию оештырдылар.

   Бүген, лагерьның  сигезенче көне,  укучылар өчен “Дус булып яшик” девизы астында үтте. Иртәнге аштан соң, балалар төрле-төрле конкурсларда катнаштылар, төрле милләт уеннарын уйнадылар. Тәмле төшке аш ашап, яңа көчләр туплагач, укучылар тирә-яктагы матурлыкны  кәгазь битенә күчерделәр. Көн файдалы һәм күңелле үтте.

  Бүген лагерьда  Сабантуй оештырылды. Балалар бик яратып уеннарда катнашты, күңел ачты. Барлык катнашучыларга һәм җиңүчеләргә бүләкләр бирелде.