Мәктәбебезнең   "Сөембикә варислары" командасы   "Тамчы-шоу" халыкара-интеллектуаль уенында чираттагы җиңү белән кайттылар. Бу мәктәп тарихындагы 6 нчы зур җиңү!!! "Татар ханнары" темасы буенча 7 класс укучылары Сагдуллин А., Гараева Н., Хадиева Р.,  көндәшләрен зур өстенлек белән җиңеп, үзләрен чын белгечләр итеп күрсәттеләр. Укучыларыбызны һәм аларның җитәкчеләре Сөнгатуллин РТ.ны чын күңелдән котлыйбыз!!!

 Бүген Шушмабаш урта мәктәбендә ачык ишекләр көне узды. Баласының укуы , тәртибе белән кызыксынучан әти-әниләр ачык дәресләр карадылар, баласының уку мөмкинлекләре, дәресләрдә катнашу дәрәҗәсе белән таныштылар, үзләре дә бу фәннәрнең төрле кызык яңалыкларын , тормыш-көнкүрештәге әһәмиятен ачыкладылар. Аннан сон "Баланың виртуаль дөньясы: Интернет -дусмы, әллә дошманмы?" темасына ата-аналар җыелышлары үтте. Класс җитәкчеләре   эшлекле уен   формасында әти-әниләрне виртуаль дөньяга алып керделәр, төрле сайтлар эшчәнлеге турында информация бирделәр.

ОБЩИЕ ПОЛОЖЕНИЯ.

19.01.2018 с 12.00 до 13.30 состоится Республиканское родительское интернет-собрание «Виртуальная жизнь ребенка: интернет – друг или враг?».
Он-лайн трансляция собрания будет вестись на сайте Казанского инновационного университета имени В.Г.Тимирясова по адресу: https://ieml.ru/.

    Бүген Шушмабаш урта мәктәбендә "Арча хәбәрләре" газетасы призына шахмат ярышы булып узды. Ярышта Арча, Балтач, Саба районнары командалары көч сынашты. 1 урынны   Балтач гимназиясе, 2 урынны   Саба гимназиясе, 3 урынны    Ашытбаш урта мәктәбе командалары яулады.Җиңүчеләр мактау грамоталары һәм  кубоклар белән бүләкләнде. Безне хөрмәт итеп килгән барлык спортчыларга, тренерларга, иганәчеләргә зур рәхмәтебезне җиткерәбез!

Шушмабаш урта мәктәбендә 16 нчы гыйнвар көнне татар теле һәм әдәбияты укытучысы Гобәйдуллина Эльвира Альберт кызы күренекле тарихчы, педагог, мәгърифәтче Шиһабетдин Мәрҗәнинең тууына 200 ел тулуга багышланган кичә үткәрде. Анда авылыбыз китапханәчесе Зарипова Чулпан Фәргать кызы һәм мәдәният йорты хезмәткәре Мөхәммәтшина Динә Габделхак кызы да катнашты. Укучыларга бик тулы эчтәлекле мәгълүмат җиткерелде. 

Халыкара РӘХМӘТ көне уңаеннан мәктәбебездә акция үтте. Элеге акциядә башлангыч класс укучылары да бик теләп катнашты. Агачыбыз тылсымлы сүзләргә баеды.

Бүген Шушмабаш урта мәктәбе коллективы "Барыбыз да чаңгыга!" акциясендә катнашты. Укучылар,укытучылар, әти-әниләр  чана-чаңгыда шудылар, рәхәтләнеп  кышкы уеннар уйнадылар,эстафетада катнаштылар.Ахырдан Кыш бабай  дискотекасында туйганчы биеделәр, тәмле күчтәнәчләрдән авыз иттеләр.

26 декабрь көнне мәктәпнең олимпиада да , төрле бәйгеләрдә актив катнашып җиңүче укучылар Тазетдинов Динарис, Каримова Алинә, Нигматзянова Наилә,Ахмадуллина Лилия Арча районы  администрация башлыгының чыршы бәйрәмендә катнашып кайттылар. Бәйрәм чарасы бик күңелле булды.

Хөрмәтле коллегалар!

  Сезне барыгызны да декабрь бураннары алып килгән Яңа ел бәйрәме белән котлыйбыз!  Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.