Учитель информатики Нуризянов Э.Т. участвовал в стажировочном семинаре для учителей информатики Казани и учителей-наставников по олимпиадной подготовке по информатике в Республике Татарстан.

   Бүген мәктәптә "Мәктәпкә җыенырга булыш!" акциясе кысаларында булачак 1 класс укучыларына уку кирәк яраклары һәм мәктәп сумкалары тапшыру тантанасы булды.Сумкаларны  "Бердәм Россия" партиясе җитәкчесе Залялетдинов Тәлгать Таһирович тапшырды. Булачак укучылар һәм аларның әти-әниләре "Бердәм Россия " партиясенә тирән ихтирамын һәм рәхмәтен җиткерде.

Түтәлләрдәге сарымсакларны да алыр вакыт җитте. Бакчада эшләүче балалар һәм укытучыларның бер төркеме бүген сарымсак уңышы җыюда булдылар. Аларны казып, чистартып , бәйләп, җиләс, күләгәле урынга кертеп урнаштырдык. 

Мәктәпне яңа уку елына әзерләү эшләре башланды. Укытучыларыбыз җәйге ялларыннан зур көчләр туплап мәктәпкә эшкә килделәр. Бүген алар мәктәп яны бакчасында бик тырышып үзләренең хезмәтләрен куйдылар.Түтәлләрдә чүпләр утадылар, буядылар, үскән печәннәрне чаптылар. Мәктәп шау-гөр килеп торды.

Мәктәбебез янындагы яшелчә, җиләк-җимеш, чәчәк бакчаларында эш тулы көчендә дәвам итә. 18-23 июль көннәрендә Каюмова Г.Н. җитәкчелегендә эшләүче балалар белән, куакларда берсеннән-берсе эре, сусыл, менә өзелеп төшәм дип торган кара карлыганнарны җыеп алдык. Чәчәклекләрдәге чүпләрне утадык. Бүгенге көнебез бик файдалы үтте.

Бакчада карлыган өлгерде.Балалар бик тырышып житәкчеләре белән бергәләп  уңыш жыю белән мәшгуль.Карлыган,елдагыча,бик күп ,эре һәм тәмле.Димәк,кыш буена җитәрлек кайнатмабыз  була!

Мәктәп яны тәжрибә участогында эш гөрли.Анда эш план нигезендә алып барыла.11 нче июльдән 16 нчы июльгә кадәр укучылар бакчада укытучы Сабитова Т.Ә. житәкчелегендә эшләячәкләр.Балалар чүп утыйлар,мәктәп территориясен чистарталар.

Мәктәп бакчасында җәйге эшләр дәвам итә. Балалар су сибәләр, чүп утыйлар, чәчәкләр үстерәләр, чистарталар. Мул уңыш алыйм дисәң, һәр эшне җиренә җиткереп эшләргә кирәк.

Аланның икенче көне күңелле генә башланып китте. Музыка астында иртәнге зарядка ясадылар, яңа көнгә көч тупладылар. Иртәнге тәмле аштан соң, аланлылар тулы автобуслар белән Кушлавычка юл тоттылар.Укучылар Кушлавыч авылындагы Г.Тукай музеенда булдылар. Балалар Габдулла Тукайның тормыш юлы, туганнары турында күп мәгълүмат тупладылар. Музейга сәяхәттән соң, аларны төрле аланнарда эшчәнлек көтеп тора иде. Иң күңеллесе, мөгаен, “Тукай иҗатын өйрәнеп, кем миллионер була ала?” исемле аланда булгандыр.Тирән белемле укучылар бер дә сынатмадылар, дипломнар һәм төрле призлар белән бүләкләнделәр.Төшке ашка аланлылар яңадан мәктәпкә кайтып җиттеләр. Барысы да, шау килеп, ял аланының ачылу тантанасына әзерләнделәр.“Без- Тукай оныклары” чатырлы ял аланының ачылу тантанасына дәрәҗәле кунаклардан Татарстан Республикасы Мәгариф һәм фән министрлыгының милли мәгариф идарәсе җитәкчесе Флера Сәгыйть кызы Сәйфуллина ,Татарстан Республикасы Мәгарифне үстерү институты ректоры Рина Ринад кызы Бәдриева, Арча муниципаль районы хакимиятенең социаль мәсьәләләр буенча урынбасары Рамил Илгиз улы Гарифҗанов,Арча муниципаль районының мәдәният идарәсе җитәкчесе Рамил Рафис улы Мөхетдинов килделәр. Алар укучыларны бәйрәм белән котладылар, күңелле, файдалы ял теләделәр. Бәйрәм әйдаманнарның җыр-биюләре белән үрелеп барды. Кичке сәгать алтыда аланлылар үзләренең чыгышларын тәкъдим иттеләр.Чынлап та, ял аланына бик сәләтле укучылар гына җыелган икән. Алар җырладылар да, биеделәр дә, Г.Тукайның әсәрләрен сәнгатьле итеп тә укыдылар. Шулай итеп,“Без- Тукай оныклары” чатырлы ял аланының икенче көне дә гаять тә файдалы һәм күңелле узып китте.