Балаларга Ленинград камалышы турында фильм күрсәтелде. Балалар белән башта Ленинград камалышы, Сталинград сугышы турында әңгәмә үткәрелде. Әлеге хәлиткеч бәрелешләрдә байтак райондашларыбыз да кан койганлыгы әйтелде.Аннары  Ю.Герман повесте буенча эшләнгән "Садись рядом, Мишка!" фильмыннан өзекләрне да балалар зур игътибар белән карадылар.

Балалар белән ике командага бүленеп баскетбол ярышы уздырдык. Ике команданың очколары тигез булды дуслык җиңде.

Кичә,бүген барлык  авылларда, районыбызда татар халкының милли бәйрәме Сабантуйлар гөрләде. Лагерьга йөрүче балаларыбыз әти-әниләре белән  Сабантуй бәйрәмнәрендә катнаштылар.

Таш,су һава, урманнарны

Табигать дип атыйбыз.

Табигатьсез яшәп булмый

Нигә соң сакламыйбыз.

Елгаларны пычратабыз,

Урманнарны кисәбез.

Чишмәләрне чистартмыйбыз,

Матурлыкны бозабыз.

Бу шигырь юлларын кире кагып без балалар белән авылыбыз чишмәләрен чистартып,тәртипкә китердек.

Шахмат белән шөгелләнү- ул аң үсешенә  яхшы тәэсир итә, уйлау сәләтен үстерә,  шахмат уйный белгән балалар дәресләрне тизрәк үзләштерә.  Шул уңайдан  балалар арасында шахмат буенча ярышлар уздырылды. Әлеге ярышта оста уйнаучылар Хадиев Илгиз. Уен барышында балаларның ни дәрәҗәдә кызып китүләре, шахмат уйнау тәртибенең асылына төшенүләре чагылды. Үзләренә файдалы шөгел табулары белән алар чиксез куандылар. 

Барлык эшләр тәмамлангач балалар белән төрле уеннар уйнадык, саләмәтлегебезне ныгыттык.

Бүген лагерьның унберенче   көне . “Укыйбыз да, уйныйбыз да” дип аталган бүгенге көнебез план буенча Арча районы буйлап экскурсия иде.Тәрбияче апалар тарафыннан әзерләнгән бик матур презентация ярдәмендә районыбыз белән тулырак  таныштык.

Иртә әле, вакыт бар дип

Озак йоклап ятма син.

Кояштан алда уян да

Физзарядка яса син.

Җәй көннәре суда коен,

Велосипедта элдер.

Ә кышын кәшәкә тотып

Тимераякта йөгер.

Яшелчәне ешрак куллан,

Үләннәр сихәтен бел.

Тәмле боткалар ашасаң,

Кәеф күтәрелә гел.

Көндәлек режимны сакла

Чисталыкны онытма!

Саф һавага чыкмыйча

Интернетта утырма!

ГТО нормативын үтәү халыкта, бигрәк тә яшьләр арасында популярлык казана. Бар халык бик теләп катнаша. ГТО значогына лаек булу һәм аны тагып йөрү олы дәрәҗә саналган.“ГТО значогыннан - Олимпия медаленә!” лозунгысы яшьләрне, балаларны зур җиңүләргә рухландыра. Значокны алу өчен совет гражданнары йөгерү, йөзү, чаңгыда узышу, ату буенча һ.б. нормативлар үтәргә тиеш булалар.ГТО - яңача расшифровкасы - «Горжусь тобой, Отечество!»-«Ватаным-горурлыгым!» Бу лозунг Россия гражданнары өчен якынрак та, чөнки ул Ватанпәрвәрлек хисе белән бәйләнгән.