Бүген лагерьга йөрүче балалар белән  Мөхәммәт Мәһдиев музеена Һәм Гөберчәк китапханәсенә экскурсия оештырылды. Музей җитәкчесе Халидә Габидуллина музей буенча бик эчтәлекле экскурсия үткәрде, Мәхәммәт Мәһдиевның тормыш һәм иҗат юлына багышланган презентация күрсәтте, әңгәмә үткәрде. Аннары балалар китапханәгә керделәр. Анда китапханә мөдире Гөлфирә Зарипова  "Китап - белем чишмәсе" дип аталган дәрес үткәрде, яңа китаплар белән таныштырды. Балалар бик кызыксынып тыңладылар, укырга күп итеп китап алдылар.