Бүген “Туган телем сагында” акциясе кысаларында Шәймарданова А.Р. «Татар хатын-кызларының традицион элементлары» дип исемләнгән сыйныф сәгате үткәрде. Татар гаиләләрендә элек-электән кызларны тегәргә, чигәргә, йон эшкәртү ысулларына өйрәткәннәр. Бу, язу һәм уку белгән кебек үк, мәҗбүри гамәл булган. Үзе өчен әйберләр ясаганда хатын-кыз аларга бөтен осталыгын, күңелен салган. Хатын-кыз киемен чигеп, кыйммәтле бизәкләр кушып теккәннәр. Татар хатын-кызлары, башка мөслимәләр кебек, өсләренә зур күләмдә төрле бизәнү әйберләре такканнар.