Бүген мәктәптә "Соңгы кыңгырау" бәйрәме булды. Әти-әниләр, ветеран укытучылар, килгән кунаклар, пед.коллектив 9 нчы сыйныф укучыларына теләкләрен юллады. 1-9 класс укучылары арасында укуда, спортта һәм башка конкурс алдынгылары үзләренә тиешле бүләкләргә ия булдылар.

• 18 нче май Халыкара музейлар көне."Иң яхшы мәктәп музее"  районкүләм конкурсында катнашканы өчен музей җитәкчесе Касыймова З.Г.  Арча муниципаль районы башкарма комитеты тарафыннан Рәхмәт хаты белән бүләкләнде.

   Район күләмендә профсоюз членнары арасында үткән ярышларда безнең мәктәп укытучылары да катнашты.

Арча шәһәрендә ел саен уздырылып килгән "Асфальттагы рәсемнәр" конкурсында безнең мәктәп укучылары 5 класстан Галиахметова Г., 6 класстан Миннуллин И., 8 класстан Хисамутдинова Ф.  катнаштылар. 

Район күләмендә уздырылган "Шашка ярышы"нда Сәмиев Наил 3 урынны алды. Мәктәп командасы 2 нче урынны яулады.

Укучылар, укытучылар чәчәкләр, шарлар, бабаларының, авылдашларыбызның фотоларын тотып "Үлемсез полк" акциясендә катнаштылар.

  28 нче апрель-Хезмәтне саклау көне  буларак билгеләп үтелә. Шушы уңайдан профсоюз рәисе Шаяхметова Нурфия Рафаилевна  8-9 нчы класс укучылары белән тәрбия дәресе үткәрде. 

  Мәктәптә Хезмәтне саклау буенча җаваплы Фатихова Гөлшат Рафисовна да чыгыш ясады.