Безнең мәктәптә Әтнәдән килгән педагоглар белән профориентация буенча 9нчы сыйныф укучылары белән очрашу булды.

Кемнәрдә нинди макулатура бар? Рәхим итеп мәктәпкә алып килүегез сорала. Һәр класс укучысы булдыра алган кадәр макулатура җыялар, һәркемнең күпме тапшырганы исәпкә алып барыла.

Бүген Татарстанның хөрмәтле президенты Рөстәм Нургалиевичның туган көне. Шул уңайдан башлангыч класс укучылары белән "Безнең горурлык" дигән  сыйныф сәгате узды. Табигате белән сокланырлык, эше белән горурланырлык һәм үрнәк алырлык җитәкчебез булганда илебезнең яшь гражданнары туры юлдан тайпылмас.

Яз килә! Иртәгә 1 нче март. Һәр класс тырышып 8 нче мартка әзерлек эшен башлап җибәрде. Эш төрләре, уздырыласы чараларга һәркем үзенчә хыяллана, әзерләнә башлады.

Мәктәбебездә тәнәфес вакытларында шашка, шахмат өстәле янында чират чиксез күп була. Яшь шахматчылар үсә.

Алдагы елларда Утар-Аты мәктәбенең 9 нчы сыйныфын тәмамлап төрле уку йортларында укучы студентларыбыз атна саен кайтып укытучыларның, нәни дусларының хәлләрен белеп торалар. Бүген башка уку йортларында 4 көн ял булгач студентлар аеруча мәктәпне сагынып килделәр. Алар үзләренең уй кичерешләре белән уртаклаштылар. 

Сез булганга имин булып ата таңнар.
Тыныч-матур тормыш белән үтә айлар.
Бәйрәмегез котлы булсын ир-егетләр.
Мәңге тыныч, имин торсын җирләр-күкләр.

Сезне  чын күңелебездән Ватанны саклаучылар көне белән  котлыйбыз.

Сезгә һәм гаиләләрегезгә тыныч күк йөзе, ныклы сәламәтлек, бәхет, муллык , һәр эшегездә уңышлар телап калабыз.

Ил терәге - ир - егетләр булса, гаилә терәге - әтиләр. Югары - Аты башлангыч мәктәбе укучылары үзләренең сөекле әтиләрен бәйрәм белән котладылар. Гаиләдә әти төп таяныч, терәк булып тора. Бәйрәм белән сезне, кадерле әтиләр!

Субаш-Аты башлангыч мәктәбендә   "Әлифба"  бәйрәме узды. Бәйрәм барышында укучылар "Хәрефстан" иленә сәяхәт иттеләр, ә юлга чыкканчы Светофор аларның юл йөрү кагыйдәләрен белүләрен тикшерде. 1 класс укучылары юлда очраган каршылыкларны тиз һәм җитез үттеләр.

Бүген безнең Утар-Аты төп гомуми белем мәктәбендә бәйрәм-Ватанны саклаучылар көне уңаеннан елдагыча Әфган җирендә хезмәт итеп, бүгенгесе көндә күрше авылларда тормыш итеп, күпләр өчен үрнәк булган батыр- фидакарь егетләребез кунакка килде. Алар үзләренең яшьлекләрен искә төшереп Ватанны саклау өчен кечкенәдән  нык таза сәламәт чыныгып үсеп, белем тупларга алда торган һәр бурычны вазыйфаны акыл белән тиешенчә үтәп, хәрби хезмәттә хезмәт итеп, Ватан алдында һәр егет кешенең үз бурычын үтәргә кирәклеген искәртеп киттеләр.Шул уңайдан безнең мәктәптә укыган 5-9 нчы класс егетләре арасында "Ягез әле егетләр!"-дип исемләнгән бәйге оештырылды. Бәйгедә жюри составында килгән кунакларыбыз булды, алар егетләрнең һәръяктан осталыгына тиешенчә бәя бирделәр. Биремнәрне үтәгән вакытта концерт номерлары куелды. Кичә күңелле, эчтәлекле узды. Тагын бер кат бәйрәм белән сезне егетләр!