Каникул вакытларында район күләмендә уздырырылган ярышларда безнең мәктәп укучылары актив катнашып, көрәш буенча 1нче 2 нче 3 нче урыннар алып кайттылар. Шуңа өстәп шахмат һәм шашка ярышларына да барып, призлы 1 нче өч урын алып кайттылар.

"Субаш – Аты башлангыч мәктәбендә китапханә белән берлектә Халыкара балалар китабы көне уңаеннан" Бөек әкиятче” исемле кичә үтте. 

1 нче апрель-Кошлар көне уңаеннан мәктәптә биология укытучысы Сафина И.В. укучылар белән кошлар турында иҗади эшләр күргәзмәсе оештырды.

Туган ягыбызга күптән көткән җырчы дусларыбыз кайта. Мәктәбебез укучылары сыерчыклар кайтышка оялар әзерләде. Килегез дуслар, оя сайлагыз, рәхәтләнеп сайрагыз!

Мәктәптә бүген 3 нче чирек нәтиҗәләре буенча ата-аналар җыелышы булды.

Бүген район күләмендә 9 нчы сыйныф укучылары Бердәм Республика Тестын үттеләр, әлеге сынауда безнең мәктәп укучылары да катнашты.

30 нчы марттан мәктәбебездә биология атналыгы башланып китте.  Биология укытучысы И. В. Сафина башлангыч класс укучыларын канатлы дусларыбызга багышланган кызыклы мәгълүматлар белән таныштырды. Чара  мавыктыргыч һәм бик җанлы узды.

Бүген язгы каникулдан соң 4 нче чирек башланды. 9 нчы класс укучылары язгы каникулда көн саен мәктәпкә консультацияләргә килделәр. Алда торган сынауларны уңышлы гына тапшырырга насыйп булсын! Уңышлар,Сезгә укучылар!

Бүген 3 нче чирек нәтиҗәләре буенча мәктәптә педагогик киңәшмә булды. Педсоветта 3 нче чирек нәтиҗәләре, олимпиадаларда, конкурсларда, ярышларда, семинарларда катнашу, ОГЭ га әзерлек мәсьәләләре каралды.

Г. Тукайның тууына 130 ел тулуга багышлап, районда уздырылган, теннис ярышында безнең мәктәптән- Рахимова Алинә катнашып, 4 нче урын алып кайтты.

25 нче мартта, Кенәр сәнгать мәктәбендә 2004 нче һәм кечерәк елгылар  арасында милли көрәш булды. 36 кг авырлыкта - Низамов Ренас 3 урын, 44 кг авырлыкта- Вәлиев Сәгыйть 2 урын, 40 кг авырлыкта Муратов Динияр 1 урын яулады. Утар-Аты мәктәбе командасы  3 нче урынга чыкты. Афәрин, егетләр!  Сез булдырасыз!