25 декабрь көнне Орнашбаш башлангыч мәктәбе һәм балалар бакчасында Яңа ел бәйрәме шаулап узды. Бәйрәмгә килгән һәркем  балаларның бик оста булуларын әйттеләр. Бик күңелле һәм матур чара булды.  
 

Ничә еллардан бирле килгән традицияне дәвам итеп, Орнашбаш башлангыч мәктәбе һәм балалар бакчасы коллективы балаларга яңа ел бүләкләре өләшеп йөрде. Алар һәр йортка кереп балаларны бәйрәм белән котладылар

Бүген  без, кышкы каникулларга китәр алдыннан,  мәктәбебезне ялт иттереп чистарттык! Һәр класс зурдан кубып, җиң сызганып эшләде.

Бүген безнең мәктәпкә Кыш Бабай, Кар Кызы "Чыршы бәйрәменә" һәм "Бал-Маскарадка" килделәр. Шулай ук  узган 2011-2015 уку елларында мәктәпне тәмамлаган укучыларыбыз да мәктәпне сагынып, бер-берсе белән күрешеп, уеннарда катнашып, кунак булып киттеләр. Бәйрәм күңелле узды, тирә-як авыллардан маскарад киемнәреннән кунаклар килде.Барыгызны да Яңа ел белән котлыйбыз! 

Декабрь аена да нәтиҗә ясар вакыт җитте. Кечкенә класслар арасында кубокны  кабат 4 нче сыйныф укучылары алды. Ә зур класслар арасында  6 сыйныф укучылары ия булды!  Афәрин, кызлар-егетләр!

22 нче декбрь көнне башлангычлар һәм 5-6 нчы  класс укучылары Кушлавыч авылында Кыш бабайда кунакта булдылар. Тылсымлы көчләр белән рәхәтләнеп көч сынаштылар. Соңыннан бөек шагыйребез Габдулла Тукай музеенда булдылар.

1-6 нчы класс укучылары һәм Субаш-Аты башлангыч мәктәбе укучылары Кушлавыч авылына музейга экскурсиягә бардылар. 

Бүген Профсоюздан Яңа ел бүләген алдык. Бүләкне һәр хезмәткәрнең өйләренә Кыш бабай, Кар кызы, Урман кунаклары өләшеп чыкты.

17 нче декабрь көнне башлангыч классларда "Нәрсә ул- мәрхәмәтлелек" дигән тәрбия сәгате үтте. 

Мәктәп янына кар сыннары ясау дәвам итә. Башлангыч класс укучыларының әти-әниләре кар сыннарын ясарга ярдәм итәргә килделәр.