Ашыт" спорт һәм мәдәният комплексында данлыклы якташыбыз Бәрәз Хафиз призына 2002 һәм аннан да яшьрәкләр арасында татар башкорт көрәше буенча бәйге узды. Бәйгедә үзебезнең Әтнә командасыннан тыш Арча, Кукмара, Биектау, Лаеш, районнарыннан һәм күрше Мари иле республикасыннан катнашты. Район хакимияте вәкиле Хәмит Галимҗанов бәйгене ачып җибәреп, көрәшчеләргә уңышлар теләде. Республика көрәш федерациясенең башкаручы директоры Равил Хәйруллинның да теләкләре изге иде. Ул шулай ук көрәшне үстерүгә керткән өлеше өчен Яшьләр эше, спорт һәм туризм бүлеге җитәкчесе Камил Сираҗиевка республика премьер - министры урынбасары, министр, Федерация президиумы рәисе Марат Әхмәтов исеменнән Мактау грамотасы тапшырды.