23 гыйнвар көнне Күлле-Киме мәктәбендә татар әдәбиятыннан “Җирле материаллардан файдаланып, татар теле һәм әдәбияты дәресләрендә укучыларның фикер йөртүләрен үстерү, туган төбәккә мәхәббәт тәрбияләү” темасына семинар булып узды. Семинарда Хәкимуллина Гөлсинә Габделхаковнаның 8нче сыйныфта үткәргән “Ил язмышын салып иңнәренә”  һәм Каюмова Рүзәлия Нургалиевнаның 7нче сыйныфта үткәргән “Әйтелмәгән васыять”повесте буенча йомгаклау дәресләре карап үтелде. Дәресләрдән соң укытучылар белән түгәрәк өстәл артында методик берләшмә утырышы үткәрелде,дәресләргә анализ ясалды. Семинарның кунагы булып балалар шагыйрәсе Йолдыз Шәрәпова-Җәмалетдинова килде.