Бала үзен кеше итеп тойсын өчен, анда милли горурлык, туган телгә мәхәббәт хисе тәрбияләргә кирәк. Балаларны тәрбияләүдә халкыбызның борынгы гореф-гадәтләрен, йолаларын һәм бәйрәмнәрен өйрәтү мөһим чараларның берсе булып тора.Безнең халкыбыз эле-электән үзенең кунакчыллыгы белән аерылып торган . 1 кечкенәләр төркеменә йөрүче балалар белән сөйләм үсеше шөгылендә кунак каршы алуның кагыйдәләре турында сөйләштек. Балалар читтән генә күзәтеп калмыйча, үзләре кунак сыйлау серләренә төшенделәр.

26 ноябрь көнне бакчабызда “Театр атналыгы“ башланып китте. Бу атналыкны 2нче кечкенәләр төркеме балалары белән башлап җибәрдек. Нәниләребез “Шалкан“ һәм "Йомры икмэк"әкиятләрен бик оста башкардылар. Әкияти образларга бик тиз кереп киттелэр һэм теләп катнаштылар. Шулай ук көн дәвамында һәр төркемдә балалар театрда үз-үзләрен тоту кагыйдәләре белән таныштылар, "тамашачы", "актер" төшенчәләрен үзләштерделәр.