Үткәнен белмәгән халыкның киләчәге юк. Безнең киләчәгебез үзебезнең балалар кулында, алар тарихны беләме? Шул максат белән Әтнә туган якны өйрәнү музее мәктәптә кунакта булды. Музей хезмәткәрләре "Үткәннән - киләчәккә" проекты белән мәктәпләргә сәяхәт кылалар. Әлеге изге эш берәүне дә битараф калдырмый. Күчмә музейны көтеп, теләп каршы алдык. Әлеге очрашуда тарих хәзерге заман балалары өчен яңа яктан ачылды, сораулар да бик күп булды. Борынгы эш коралларының кулланылышы, алар белән эшләү серләренә төшенү балаларга бик кызыклы булды. Музей хезмәткәрләренә олы ихтирамыбызны, рәхмәтебезне белдерәбез! Киләчәктә дә яңа проектлар белән көтеп калабыз.