“Әтнә балалар видеофестивале”ндә мәктәбебезнең 9 нчы сыйныф укучысы Гөлчәчәк Фазылҗанова башкаруындагы “Авыл карчыклары”җырына төшерелгән клип “Иң эчтәлекле клип”номинациясенә лаек булды.

“Демографик проблема” дип исемләнгән кыска метражлы фильм “Иң шаян фильм” номинациясенә лаек булып, төп рольне башкаручы 9 нчы сыйныф укучысы Басыйров Илнар күпләр күңеленә хуш килде. Очрашуга кайткан режиссер Нурания Җамали  Илнарга үзенең истәлекле бүләген тапшырды.

“Без бит Әтнә яклары” иҗат фестивалендә мәктәбебез укучылары “Бәхетле булсын һәркем!” дип исемләнгән концерт программасы тәкъдим иттеләр. Тамашачылар җыр һәм биюләр белән беррәттән  “Мизгел” уен кораллары ансамбле чыгышын һәм Т. Миңнуллинның “Бәхетле кияү” комедиясеннән өзекне  аеруча яратып кабул иттеләр.

“Мәңгәр” күмәк хуҗалыгы призына уздырылган башкорт-татар көрәш бәйгесенә “Көрәш” түгәрәге җитәкчесе Яруллин Рашат Равил улы үзенең  шәкертләрен алып барды. 6 нчы сыйныф укучысы Сабиров Нияз үз авырлыгындагы билдәшләре арасында  2 нче урын яулады.

Район буенча  6-8 нче сыйныфлар арасында уздырылган  татар теле һәм әдәбияты олимпиадасында  7 нче сыйныф укучысы   Сафина      Филсинә татар  теленнән   2 нче урын  алды.

Район буенча  6-8 нче сыйныфлар арасында уздырылган математик олимпиадада  8 нче сыйныф укучысы Нигъмәтуллина Гүзәл 2 нче урын  алды.

Мәктәбебездә   “Иң яхшы сыерчык оясы” конкурсы бара. Барлык укучылар да актив катнаша.

15 март көнне 6класс укучысы Гилазова Камилә Экологик конференциядә “Бәрәзә авылы орнитофаунасы” дигән темага чыгыш ясап 3нче урын алып кайтты. Җитәкчесе Сахибуллина Р.Ш.

Укучыларыбызга хәрби-патриотик тәрбия бирү буенча мәктәбебездә күп чаралар уздырыла.22 нче февраль көнне Әфган ветераннары, армия хезмәтеннән  яңа кайткан авылдаш егетләр һәм бүгенге көндә хәрби бурычларын үтәүче солдатларның әниләре белән очрашу кичәсе булды.