Бүген безнең корабта сайлаулар. Һәр матрос бик җитди булырга тырышты. Сайлауларны яшерен тавыш биреп үткәрдек: боцманны, ярдәмчеләрен, чиф-стюартны, радистны, врачны һәм аның ярдәмчеләрен, приборлар өчен җаваплыларны билгеләдек. Корабыбызны бизәдек, кубрикларыбызны җайлаштырдык.

Шулай итеп без лагеребызны ачып җибәрдек. Ачу тантанасында корабыбыз хуҗасы Алсу Фарил кызы, круиз җитәкчесе Ләлә Альбек кызы, капитан ярдәмчеләребез, физрук  Һәм без - курку белмәс кыю матрослар катнаштык.

Көнебезнең иң кызыклы өлешем - “Минута славы” булгандыр, мөгаен. Кораб матросларының шундый шаккаттыргыч эшләр башкара белүләрен күреп сөендек, шаулатып кул чаптык. Шпагатка утыручы Айзиләне, колесо әйләнүче Исламны, колагын кызык итеп селкетүче Илназны, көнчыгыш бюен башкаручы гүзәл кызларыбызны күргәч, күзләребез маңгайга менде.

Эх, күңелле дә соң бу лагерьда!