Карагыз!Карагыз!Ни хикмәт-бүген барлык балалар кулларына китап алган!Кемдер шигырь укый, кемдеркызыклы мәзәк сөйләп көлдерә,кемдер хикәядәге персонажларны кызганып елый.Һәркем үзенең яраткан китабын дусларына тәкъдим итәргә әзерләнә.Чөнки бүген-Китап укучылар көне.

Ниһаять,ул көтелгән минутлар җитте.Китапханәче Клара апа белән очрашу бик күңелле узды.Без күрмәгән,без укымаган тагын никадәр китап бар икән,ләбаса!Клара апа безгә үзенең киңәшләрен бирде,сорауларыбызны җавапсыз калдырмады.”Татар китабы”,”Китапларда тарих чагылышы” күргәзмәләре белән таныштык.

Инглиз теле укытучыбыз Гөлназ Карамовна белән дә китаплар турында бик кызыклы викторина ,уеннар уздырдык.

Тәмләп ашаганнан соң корабның барлык матрослары да җырлар җырлап алдык.Аннан соң һәрбер матрос 1 сәгать эчендә “Оста куллар” күргәзмәсенә бер могҗиза ясарга тырышты.Төсле кәгазьләребезне һәм пластилиннарны алып эшкә керештек.Бүгенге сәяхәтебез бик күңелле булды.

Фельдшерыбыз Гөлнур апа безнең белән әңгәмә уздырды.Ул агуланганда беренче ярдәм күрсәтү турында сөйләде.