Экипажыбыз иртәдән үк бик эшлекле кыяфәттә бүген.Шулай булырга сәбәбе дә берничә: беренчедән, “Балыкчылар бәйрәме” (әлбәттә ,йөзне кызартырга һич тә ярамас);икенчедән,корабыбызда –“Рекордлар көне”(монысында да сынатырга ярамас !).

Ура! Ура! Без - туристлар! Бүген безнең күптәнге хыялыбыз тормышка аша. Кулга кармакларыбызны алдык, аркада – рюкзаклар. Без - иң балыклы елгаларның берсендә. Без бүген - балыкчылар! Һич кенә дә сөйләшергә, тавышланырга да ярамый. Их, Фәннур безне уздырды, ул тотты беренче балыкны. Иң күп балык тотучы да ул булды. Фәннурга-3, Азатка-2, Илшатка 1 балык эләкте.

Егетләр балык тотканда кызларыбыз табын әзерләде. Рәхәтләндек табын әйләнәсендә тәмле әйберләр ашап. Арысак та, беребез дә зарланмадык.

Уеннар да уйнадык, җырладык, биедек. Кыскасы, чып-чын ял булды бу безнең өчен!

Ә төштән соң “Рекордлар көне” башланды.Яшь матрослар җитезлектә,осталыкта көч сынаштылар.