Ура!Ура!Ниһаять,коры җир күренде.”Якорьне төшерергә!” дигән боерык яңгырауга матрослар җиргә аяк басарга ашыктылар.

Чү!Бу нинди мәһабәт бина тагын? Манаралары күккә тиеп тора диярсең!Якынрак килдек,безне ишек төбендә ягымлы гына тавышлы бер абый каршы алды.Фердинат абый Хакимуллин икән, Комыргуҗа авылының мулласы, шушы матур мәчетнең хуҗасы.

Ул безгә дин әдәпләре турында,бик күп кызыклы,гыйбрәтле хәлләр турында сөйләде.Яхшылыкка,изгелеккә өндәде.Аны тыңлап утырганда тәннәребезгә “каз итләре” чыкты хәтта.Тәртипле, тәрбияле булу безнең үзебездән тора икән бит, ләбаса. Рәхмәт Фердинат абыйга,ул бүген безнең күзләребезне ачты.

Көннең икенче яртысында без спорт-шоу уздырдык. Универсиада турында әңгәмә кордык, спорт төрләре турында сөйләштек. Викторина сорауларына бик теләп җавап бирдек. Футбол уйнадык, бадминтон уйнау серләренә төшендек.Үзебезнең бик тапкыр, зирәк, спорт сөюче моряклар булуыбызны тагын бер кабат расладык.

Мини- баскетбол уйнау бераз авыррак булды. Бик үк белеп бетермибез икән бит әле без баскетбол уйнау кагыйдәләрен. Бик тырыштык, һәрберебезнең туплары бер генә тапкыр булса да керде шул биек югары боҗрага.

Бәхетле,тәүфикълы булыйк,сау-сәламәт яшик!