Корабыбыз, ал җилкәннәрен киереп, алга бара да бара.Туган якны сагынабыз, җырлар җырлап кына йөрәктәге сагынуны басып булмый. Бүген “Чишмә” операциясе дәвам итә. Авылыбыз уртасыннан агучы чишмәбез безне күптән көткән. Бу чишмәнең дә ярларына баскычлар ясалды, үләннәр чабылды. Изгеләр чишмәсенә юл тоттык. Кулыбызга тырмалар , көрәкләр алдык. Чишмәнең юлларын, улак кырыйларын кычытканнан арындырдык. Эш беткәч, чишмәнең шифалы суы белән сыйландык.

Бераз хәл алгач, ”Авыллар тарихына” тукталдык. Авыл, елга, чишмә исемнәренең ничек килеп чыгуы, авылларыбызның үткәне турында без якташыбыз тарих фәннәре кандидаты Нәҗип Вагапов язмаларыннан укып белдек.

Дару үләннәре турында әңгәмә кордык, аларны танырга өйрәндек.

Ә көннең икенче яртысында юлыбызны Гөлназ апа Карамовна белән дәвам иттек. Инглиз телендә сөйләштек, җырлар җырладык.