Бүген бездә Милли хәзинәләр көне. Хәзинәнең нинди кадерле әйбер , аны сакларга кирәген без инде беләбез. Без башта мәктәп музеена юл тоттык, анда безне Рубис абый каршы алды. Ул безгә музей эшчәнлеге, андагы экспонатларның сакланышы турында сөйләде.

Аннан соң без татар халык ашлары турында презентация карадык. Үзебез алып килгән тәмле ризыклар турында сөйләдек. Татар халкының элек уйналган милли уеннарын өйрәндек, аларны уйнап карадык. Безгә бик күңелле булды. Бигрәк тә “Читән элдем читәнгә”, ”Миңлебай” уеннары ошады.

Көннең икенче яртысында “Түбәтәем-калфагым” дигән темага аппликация эшләдек.Нинди генә матур бизәкле түбәтәй-калфаклар юк икән бит татар халкында!