Корабыбызда бүген Спорт көне! Эх, күңелле дә шул спорт белән бәйле уеннар! Йөгерәсе , ярышасы килеп кенә тора. Нинди генә уеннар булмады: кыршау әйләндердек, таяк тартыштык, гер күтәрдек,тупны боҗрага керттек, кашык белән су ташыдык , скакалкада сикердек. Фәридә апа безгә һәрбер ярышның тәртибен әйбәтләп аңлатты. Үзебез дә бик тырышлар, җитезләр ,уңганнар инде!

Бәйрәмнәрне милли уеннардан башка күз алдына да китереп булмый. Җырлы-биюле уеннар белән үрелеп барды ярышларыбыз. Кичкә кадәр дә уйнарга әзер идек, тик вакыт кына кыска шул, бик тиз узып китте. Бик күп бүләкләр алдык, бик канәгать калдык.

Көннең икенче яртысында әкиятләр уйлап чыгарып , аларны сәхнәгә куйдык. “Җәйге мозаика” дип исемләнгән концерт оештырдык. Оста да инде үзебез!