Корабыбызда бүген Сабантуй! Эх, күңелле дә шул Сабантуйлар! Йөгерәсе, уйныйсы, җырлыйсы килеп кенә тора. Нинди генә уеннар булмады:  таяк тартыштык, гер күтәрдек, көрәштек, кашык белән су ташыдык, капчык киеп сикердек, кашыкка йомырка салып йөгердек, скакалкада сикердек, күз бәйләп бүләкләр кистек. Бик күп ярышларда җиңүчеләр булдык, күп бүләкләр алдык.

    Сабантуйны милли уеннардан башка күз алдына да китереп булмый. Җырлы-биюле уеннар белән үрелеп барды ярышларыбыз. Кичкә кадәр дә уйнарга әзер идек, тик вакыт кына кыска шул, бик тиз узып китте. Бик канәгать калдык.

Көннең икенче яртысында зур концерт куйдык. Булган  да инде үзебез!