Бүген безнең корабта сайлаулар. Һәр матрос бик җитди булырга тырышты. Сайлауларны яшерен тавыш биреп үткәрдек: боцманы, аның ярдәмчеләрен, приборлар өчен җаваплыларны билгеләдек.    

Корабыбызны бизәдек, кубрикларны җыештырдык.

       Шулай итеп, без лагеребезне ачып җибәрдек. Ачу тантанасына корабыбыз җитәкчесе Шарафиева Гөлбану Борисовна, круиз җитәкчесе Сибгатуллина Алсу Фарилевна, капитан ярдәмчеләребез, физрук Рамил абый һәм без – курку белмәс, кыю маторослар – катнаштык.

      Көнебезнең иң кызыклы өлеше “Минута славы” булгандыр, мөгаен.  Кораб матросларының шундый шаккатыргыч эшләр башкара белүен күреп сөендек, шаулатып кул чаптык. Шпагат ясаучы Айзиләне, колесо әйләнүче Илнурны, колагын кызык итеп селкетүче Илназны, көнчыгыш биюен башкаручы кызларны күреп, күзләр маңайга менде.

    Эх, күңелле дә соң бу лагерьда!!!