7 апрель көнне мәктәбебездә Сәламәтлек көне үтте. Укучылар көнне иртәнге гимнастика белән башлап җибәрделәр. Рекордлар көне дип аталган ярышта 1сыйныфтан алып 11 сыныйфка хәтле, барысы да үзләрен сынарга ашыктылар. Тәнәфес вакытларында, укучыларыбыз, сәламәт яшәү рәвеше турында, видеороликлар, мультфильмнар карадылар. Шулай ук, һәр сыйныф, сәламәтлек яшәүгә багышланган рәсемнәр ясадылар. Көн ахырында, бар ярышка да йомгак ясалды. Кичәдән барысы да канәгать калды,күтәренке рух белән өйләргә таралдылар. Спортның сәламәтлек өчен иң кирәкле әйбер булуына тагын бер кат инандык.

Тормышта бәхетсез кеше булуга караганда, бәхетле кеше булу җиңелрәк. Кешене күралмауга караганда , ярату җиңелрәк. Бары тик тырышлык күрсәтергә, тормышны, кешеләрне яратырга, җиң сызганып эшләргә, сәламәт тән һәм сәламәт рух өчен көрәшергә, күңелеңдә гел яхшы уй-фикерләр генә сакларга кирәк. Сәламәтлек – ул гүзәллек. Шуңа күрә һәрчак матур булыгыз, табигать тарафыннан бирелгән байлыкны юкка сарыф итмәгез, үз сәламәтлегегезне саклагыз һәм ныгытыгыз.