Кичә берничә өлештән торды. Иң элек  7-10 нчы сыйныф укучылары катнашында ”Ашыт тыюлыгын беләсеңме” дигән эрудит-ярыш үткәрелде. Беренче этапта 8 әр укучыдан торган  өч команда үзләре белән таныштырдылар. Экранга чыккан сорауларга җаваплар бирделәр. Татарстанда иң беренчеләрдән булып төзелгән “Ашыт ”тыюлыгындагы 14 төрдәге үсемлекләрне  , 112 төре булган кошларны, бу урыннарда яшәгән поши,кабан,бурсык,төлке,су күсесе кебек хайваннар  турында   сөйләделәр. Ярышның  икенче этабында  Ашыт тыюлыгындагы Кызыл китапка кертелгән кошларны экраннан танырга,исемен һәм төп үзенчәлекле билгесен әйтеп узарга иде. Һәр командадан берешәрләп  барлык уйнаучылар чыгып,кошларны бик тиз танып җаваплар бирделәр. Өченче этапта Халыкара табигать көннәрен белергә иде.  Кешене туендырган, сусаганда су, суларга һава биргән табигать бүген бездән ярдәм көтә. Шушы максаттан билгеләнгән табигать көннәрен  дә бик яхшы белделәр командалар. Ярышлар арасында табигать,туган як турында җырлар башкардылар. Ә дүртенче этапта рәхәтләнеп ял итеп , көлеп-уйнап та алдык. Һәр команда кошлар гаиләсе булып , андагы  проблемаларны алар  телендә  скетч  формасында күрсәттеләр. Ахырдан  жюри  җиңүчеләрне билгеләде. Һәрбер укучыга истәлекле бүләкләр тапшырылды.