Бүген укытучылар көне уңаеннан мәктәптә үзидарә көне узды. Өлкән сыйныф укучылары дәресләр бирделәр. Шулак ук, мәктәптә укытучыларны котлау чарасы оештырдылар, алар хөрмәтенә концерт куйдылар. 

Укытучыларыбызны ихлас күңелдән укытучылар көне белән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.

Өлкәннәр көне уңаеннан укучылар мәктәптә "Әбием сандыгы" темасына багышланган кул эшләре күргәзмәсе оештырдылар.

Хөрмәтле өлкәннәребез! Без сезне бәйрәмегез белән котлыйбыз. Сез мактауларга, хөрмәткә, ихтирамга лаек кешеләр.

Бүген Әтнә мәктәбендә мәктәбебез активистлары (Рахимҗанова, Аскарова)  РДШ темасына багышланган җыелышта катнаштылар.

Мәктәптә Бөтенроссия предмет олимпиадаларының мәктәп туры бара . Җиңүче укучыларны котлыйбыз!!!

Мәктәбебез бакчасыннан көзге мул уңыш җыеп алабыз.

21 нче сентябрьдә мәктәп күләмендә көзге кросс үтте. 

9 класс укучылары өчен кызу көннәр башланды. Бүген алар ГИА бирү, киләчәк тормышларын ничек дәвам итү турында сөйләшү булды. Укучылар үзләренә кирәкле предметларны сайлап алдылар. Имтиханнарга әзерләнү графигы төзелде. График нигезендә рус теленнән, математикадан  имтиханнарга әзерлек эше сентябрьнең беренче атнасыннан ук башланган иде. 

15 нче сентябрь көнне, башлангыч сыйныф укучылары, көзге табигатьне күзәтергә, экскурсиягә, Ташлы елгага бардылар.Укучылар рәхәтләнеп ял итеп,саф һавада уеннар уйнадылар