Бүген мәктәбебездә  сыйныф сәгатендә башлангыч сыйныф укучыларына мәдәни көндәлекләр тапшырылды.

Бүген мәктәптә укучыларның, укытучыларның пожар куркынычлыгы вакытында әзерлекләрен тикшерү максатыннан эвакуацияләү эшләп каралды.

Елдагыча укучылар һәм укытучылар тырышлыгы белән үстерелгән бәрәңгедән, мул уңыш җыеп алынды.

Хокук айлыгы кысаларында мәктәбебездә хокук бозуларны булдырмау максатыннан, районның балигъ булмаганнар эше буенча комиссия секретаре Наилә Баһаутдинова җитәкчелегендә очрашу үтте.

3 сентябрь "Экстремизмга каршы" көн буларак билгеләнеп үтә. Тәрбия сәгатьләрендә әлеге темага әңгәмә узды. Шулай ук укучылар Беслан фаҗигасендә һәлак булган яшьтәшләрен дә искә алдылар. 

Сентябрь ае мәктәбебездә "Аеклык бәйрәме"  буларак игълан ителде.  Безгә  тормышта бик күп мәсьәләләрне хәл итәргә туры килә. Һәр нәрсәне аек акыл белән, уйлап эш итәргә кирәк. Укучылар авыр ситуацияләрдән чыгу юлларын мөстәкыйль таба белергә тиешләр. Ә безнең максат аларны өйрәтү, дөрес юнәлеш бирү. Шул сәбәпле, 6-9 класс укучылары белән "Мин тормышны өйрәнәм" исеме астында  уен-бәйге үткәрелде.

Бүген мәктәбебез укучылары "Ашыт" спорт комплексы хезмәткәрләре белән очраштылар.

Бүген мәктәбебездә "Юлларда куркынычсызлык" темасына карата ЮХИДИ хезмәткәре Гараев Р. белән очрашу узды. Ул үз чыгышында укучыларга юл йөрү кагыйдәләре, яктылык кайтаргыч элементлар турында кабат искәртте, укучыларның сорауларына җаваплар бирде. Очрашу бик файдалы булды.

"Экстремизмга - ЮК!" айлыгы кысаларында бердәм дәрес үткәрелде. Укучыларга экстремизм,терроризм төшенчәләре аңлатылды. Без терроризмга, экстремизмга каршы. Күк йөзебез аяз, илләребез имин булсын.