Бүген беренче сыйныф укучылары өчен зур бәйрәм. Алар Әлифба китабы белән саубуллаштылар. Шул уңайдан укучылар, сыйныф җитәкчеләре Самигуллина Резеда Хәмбәл кызы белән “Әлифба бәйрәме” уздырдылар.

Җиңүнең 70 еллыгы уңаеннан мәктәбебезнең тарих кабинетында Сугышчан Дан музей почмагы оештырылды. Анда сугыш чоры көнкүреше, сугышта үлеп калган һәм исән кайткан аылдашларыбызның хатлары, фотолары, орден-медальләре куелды. Шулай ук Бөек Ватан сугышына багышланган эзләнү эшләре һәм проектлары да урын алды.

Бөек Җиңүнең 70 еллыгы уңаеннан 8 нче сыйныф укучылары, хәзерге көндә бердәнбер исән-сау булган сугыш ветераны Күләев Әдһәм абый янына очрашуга бардылар. Сугыш ветераны бик теләп укучылар белән аралашты, үзенең сугыш чоры истәлекләре белән уртаклашты.

10 нчы февральдә Бөек Җиңүнең 70 еллыгы уңаеннан  "Сугыш язган язмышлар" дип аталган кичә уздырылды. Кичәгә, балачагы сугыш елларына  туры килгән, ветеран укытучыбыз Закирова Камилә Габдрахман кызы чакырылды.

7 нче февраль көнне егетләр арасында район буенча волейбол ярышы узды. Егетләребез бик актив катнаштылар.

Бүген мәктәбебездә башлангыч сыйныф укучылары өчен "Кошларга кышын ярдәм ит" дип исемләнгән кичә үткәрелде. Бәйрәмдә "Ашыт" заказнигы хезмәткәре Әхмәтҗанов Рәшит һәм экология министрлыгы хезмәткәре Фирдәүсә Камил кызы катнашты.

Бүген мәктәптә Бөек Җиңүнең 70 еллыгына багышланган әдәби әсәрне сәнгатьле башкаручылар конкурсы булып узды. Һәр төркемдә җиңүчеләр билгеләнде. Бу укучылар районда мәктәбебез данын яклаячаклар. Барлык катнашкан укучыларга да зур рәхмәт.  

Узган атнада ук инде мәктәбебездә "Безнең мәктәп ишегалды" исемле конкурс игълан ителгән иде. Конкурска укучылардан бик күп рәсемнәр килде. Жюри комиссиясе иң яхшы мәктәп алды дизайнын тәкъдим итүчеләрне  сайлап алып бүләкләячәк.