Мәктәптә “Ел укытучысы-2014” конкурсы булып узды.  Конкурс  грант алган укытучылар арасында узды. Мәктәбебезнең  ел укытусысы булып география укытучысы Загидуллина Зөлфия Дамир кызы сайланды. Аңа  бәйгенең район этабында уңышлар теләп калабыз.

05.02.2014 көнне укытучылар спартакиадасының район этабы булып узды. Нәтиҗәләр дә куанырлык: шорт тректа хатын-кызлар арасында 3 урынны Вәлиева Гадения  Рәхмәтулла кызы яулады. Аркан тартуда мәктәп командасы 3 урынны алды. Афәрин!

Узган атнада мәктәптә ата-аналар җыелышы булып узды. Башта әти-әниләргә ачык  дәресләр күрсәтелде, аннан соң  сыйныфларда  җыелышлар дәвам итте.

Декабрь аенда районыбыз мәктәпләре арасында  “Кар шәһәрчеге” конкурсы игълан ителгән иде.  28.01.2014 көнне узган директорлар җыелышында нәтиҗәләре билгеле булды. Безнең мәктәпнең Кар шәһәрчеген  3 урынга лаек дип таптылар.

Арча районы Госалкоголь инспекциясе  белгечләре Вәлиева Алсу Илсур кызы һәм Гилметдинова Зөхрә Рәфикъ кызы 9 сыйныф укучысы Әскәрова Инзиләне “Защита прав потребителей” буенча уздырылган конкурста җиңүе белән котларга махсус  килделәр

24-26 нчы гыйнвар көннәрендә мәктәбебез укучылары Юсупов Айназ һәм Садретдинов Илназ Питрәч районында уздырылган А.В. Тарасов исемендәге  хоккей ярышында катнаштылар.

Кушәр мәктәбенең 8 сыйныфында белем алучы Әскарова Фәридә укучылар йорты педагогы Газизҗанова Алсу Ибраһим кызы укучысы белән  “Я-Мастер!” дип аталучы республикакүләм  конкурсның финал өлешенә  катнашты. Бәйге  Зәй шәһәрендә узды.

20-24 гыйнвар  көннәрендә  мәктәбебездә  сингапур  технологияләрен дәресләрдә куллану буенча методик атна үтте.

Бүген мәктәбебезнең кызлар  командасы районда узган баскетбол ярышында чыгыш ясап кайттылар.