Бүген мәктәптә беренче гомуми  ата-аналар җыелышы булып узды. Көн тәртибендә ашату, укучыларның тышкы кыяфәте, дәрестән тыш чаралар турында сөйләшү каралган иде. Шулай ук җыелышка Әтнә районының балигъ булмаган  балалар эше буенча комиссия секретаре Баһаветдинова Наилә Наил кызы да чакырулы иде. Ул ата-аналарны комиссиянең эше белән таныштырып үтте. Укучыларның кич йөрү, алкоголь эчемлекләр куллану, скутерда чабу кебек мәсьәләләренә тукталды. Ата-аналарны балаларга карата игътибарлы булырга чакырды. Гомуми өлешеннән  соң  җыелышлар классларда дәвам итте.