Нинди төстә икән соң бу кар дигәннәре? Кызылмы, яшелме, зәңгәрме? Бик күп баш ваттык, ак икә-ә-ән бит ул! Сөт кебек ап-ак! Беләбез-беләбез, кыш җиткәнен сизәбез!

Зурларга көз бәйрәменә кунакка кердек әле, менә ничек кенә тик чыдап утырасы, инде йөриселәр дә килә башлады...

Бүген безнең бакчабызда "Көз бәйрәме" гөрләп узды. Бәйрәмне алдан әзерлек белән күптән көтеп алдык. Көз кызының бүләкләренә, бигрәк тә Кабак малайга(Тыквовик) шаккатык. Әлбәттә, үзебез дә күчтәнәчсез калмадык: җырлар, шигырьләр,биюләр Көз кызының күңеленә бик хуш килде. Кунак булып кергән кечкенәләр төркеменең нәниләре дә бәйрәмнән канәгать калдылар

Көн азагында безне янә бер сюрприз көткән икән.Көз кызы безгә күчтәнәч  итеп, телне йотарлык кабак бәлешләре калдырган! Йокыдан торгач, бүгенге күңелле мизгелләрне хәтердән барлый-барлый шул күчтәнәч белән сыйландык.

Табигый материалдан нәрсәләр генә эшләп булмый! Чыршы күркәсенә пластилин ябыштырып менә шундый кешеләр килеп чыкты.

Балалар төрле табигый материалдан эшләнмәләр ясарга бик яраталар. Шуңа да без зурлар төркеме белән миләш, дөге һәм көнбагыштан кызылтүш ясарга булдык. Бик матур һәм үзенчәлекле килеп чыкты.

Мәрхүмнәрнең рухларын хөрмәтләү, каберләрен зиярәт итү,аларны тәртиптә тоту-һәрберебезнең кешелек бурычы.Авылыбызның зиратын чистартуга без дә өлешебезне керттек.

Бүген без монтажная пенадан "Гөмбә" көзге композициясен ясадык. Композициянең җирлеген алдан ясап,буяган төрле яфраклар белән бизәдек. Ә гөмбәбезнең эшләпәсен гади гуашь белән буядык. Бик матур һәм оригиналь килеп чыкты!