«Мин сугыш турында ишетеп кенә беләм» конкурсында кечкенә яшьтәгеләр төркемендә 3 нче сыйныф укучысы Аскаров Ильмир II урын, урта яшьтәгеләр төркемендә 8 нче сыйныф укучысы Заһидуллин Илфир II урын, өлкән яшьтәгеләр төркемендә 10 нчы сыйныф укучысы Заһидуллин Илзир III урынны алды.

2015 нче елның 21 нче гыйнварында Түбән Көек урта гомуми белем бирү мәктәбенең 4 нче сыйныф укучылары мәктәп музеена сәяхәт иттеләр.

Район мәктәпләре арасында үткәрелгән «Кар шәһәрчеге» конкурсында Түбән Көек урта гомуми белем бирү мәктәбе коллективы «Иң матур кар сыннары» номинациясендә җиңүче булды һәм грамота белән бүләкләнде.

2015 нче елның 6 нчы гыйнварында район балалар һәм яшүсмерләр спорт мәктәбе беренчелегенә уздырылган мини-футбол ярышында Түбән Көек урта гомуми белем бирү мәктәбенең кызлар командасы II урын алды.

Түбән Көек урта гомуми белем бирү мәктәбенең 6 нчы сыйныф укучылары Нуриев Айрат, Василов Илнур, Мөхетдинов Илфир һәм 7 нче сыйныф укучысы Шәяхмәтов Ильяр «Президент спорт уеннары» Бөтенроссия укучылар кышкы фестиваленең Региональ этабында катнаштылар.

2014 нче елның 29 нчы декабрендә авыр атлетика буенча 1998-2001 нче елгы яшьләр арасында район балалар һәм яшүсмерләр спорт мәктәбе беренчелегенә уздырылган ярышта Түбән Көек урта гомуми белем бирү мәктәбе укучылары зур уңышларга иреште.

2015 нче елның 6 нчы гыйнварында Түбән Көек урта гомуми белем бирү мәктәбенең «Йолдызчык» кышкы ял һәм сәламәтләндерү мәктәп яны лагерена йөрүчеләр районыбыз үзәгендә урнашкан боз шәһәрчегенә тау шуарга бардылар.

2015 нче елның 5 нче гыйнвары Түбән Көек урта гомуми белем бирү мәктәбенең «Йолдызчык» кышкы ял һәм сәламәтләндерү мәктәп яны лагеренда «Зарарлы гадәтләргә вакытыбыз юк» исеме астында үтте.

2015 нче елның 4 нче гыйнварында Комыргуҗа урта гомуми белем бирү мәктәбендә урнашкан музейга сәяхәткә бардык.

2015 нче елның 3 нче гыйнварында Түбән Көек урта гомуми белем бирү мәктәбенең кышкы лагеренда Җиңүнең 70 еллыгына багышлап «Күңелле стартлар» уены үткәрелде.