Мәктәптә Әфганчы якташларыбызны  искә алу кичәсе узды. Кичәне физкультура укытучысы А.Х. Кашшапов ачып җибәрде һәм  тарих укытучысы И.М.Нәҗметдинов дәвам итте. Аның чыгышы презентация белән үрелеп барды.  ТЭБДУ  Г.Г.Кашшапова  безнең  мәктәптә укыган һәм Әфганстанда интернациональ бурычларын үтәп кайткан якташларыбыз Шакиров И.Н., Гатауллин М.В., Хадиев Р.Г., Нәҗметдинов М.М., абыйлы –энеле Ахметханов Р.Р. һәм Ахметханов М.Р. турында чыгыш ясады. Кызганычка каршы бу батыр егетләребезнең өчесе безнең арабызда юк инде. Кичәгә М.В.Гатауллинның тормыш иптәше Зөлфия ханым һәм Р.Г.Хадиевның бертуган сеңлесе Рәфинә ханым килгән иде. Мәктәп директоры Р.М.Хисматуллин аларга бүләкләр тапшырды һәм кичәдә катнашкан барлык кешегә үзенең изге теләкләрен җиткерде.