Лагерьнең беренче көне.

Безнең  мәктәптә   1 нче июньнән «Умырзая» ял һәм сәламәтләндерү  лагере эшли башлады. Анда без 17 бала йөрибез.       Лагеребезнең флагы әллә кайдан безне кул болгап дәшә кебек. Бу Рәүф абыйның тырышлыгы,  әле ул безгә кибеттән тәмле-тәмле ризыклар алып кайтучы да.

    Ялыбызны күңелле итеп оештыручы әйдаманнар:   Земфира Рифатовна,  Нәзирә Шамилевна,  Дания Юнысовналар. Аларның күңел биреп эшләүләре безне каршылаучы вывескадан ук күренә. Ышанмасагыз үзегез килеп карагыз, инде бер дә вакыт таба алмасагыз фотодан күрә аласыз.

 Тәмле ашлар белән сыйлаучы поварларыбыз Гөлнәзирә һәм Фирдинә апалар турында да әйтеп үтәргә кирәк.  Алар безгә ризыкны көн саен төрләндереп торалар,

       Бер кочак документация арасына кереп чумса да,  безнең белән аралашырга, киңәшләр бирергә өлгерүче Гөлзидә Гарифулловна , барысы да тиешле дәрәҗәдә булсын дип тырышып йөри.

    Менә шулай башланып китте безнең беренче көнебез.      

       Әти-әниләр тыныч булыгыз, 21 көн буе  без ышанычлы кулларда.

      Барыгызга да күңелле ял телим дусларым.

Алсинә Солтанова