13 сентябрьдә  татар теле һәм әдәбияты укытучыларының методик берләшмәсе үзенең 1 нче утырышын   үткәрде. Милли мәсьәләләр буенча директор урынбасары Кашапова Ф.Ә. барыбызга да хәерле уку еллары теләде. Утырыш җанлы, эшлекле атмосферада узды. Миннахметова Лилия Равил кызы “Федераль дәүләт белем стандартын гамәлгә ашыру шартларында гуманитар фәннәрне өйрәнүдә заманча технологияләр”  темасына чыгыш ясады. Ул Казанда  курсларда булып, анда алган тәэсирләре белән уртаклашты. Үзенең чыгышында Сингапур системасына басым ясады. Сингапур методикасының отышлы яклары турында сөйләде. “Попкорн”,  “Сөйли торган кәгазь битләре”, “Почмаклар”, “Микспершер” кебек структуралар укытучыларда кызыксыну уятты.

        Кашапова Фәнүзә Әнвәр кызы “Федераль дәүләт белем стандартлары нигезендә мәктәпләрдә татар телен һәм әдәбиятын укыту турында” гы 2013нче елның 7нче сентябрендәге 12138/13 санлы хатына әдәбият фәнен укыту буенча аңлатма белән таныштырды. 5нче В сыйныфы яңа стандарлар буенча укытуга күчү сәбәпле,  татар теле һәм әдәбиятын укыту программаларына ФДБС нигезендә үзгәрешләр кертелү турында искәртелде.

       Берләшмәдә район, республика, Россия күләмендәге иҗади конкурсларда катнашу буенча фикерләр алышынды. Алдагы көннәрдә үткәреләчәк чараларга җаваплы кешеләр билгеләнде.

                                                  Методик берләшмә җитәкчесе Мусина Гөлгенә Мөнир кызы