Районыбызда  фән атналыклары үткәрү бер традициягә кереп бара. 23.01-28.01 көннәрендә мәктәптә  инглиз һәм немец телләре атналыгы булып үтте.Шушы кысаларда 27.01 көнне 3А сыйныфында  яшь мөгаллимә Кашапова Фирүзә Илшат кызы  тарафыннан “Әдәпле булырга теләсәң... Good manners” темасы буенча әдәби уку һәм инглиз теле буенча  интеграл дәрес күрсәтелде. Дәрес укытучылар һәм укучыларда зур кызыксыну уятты. Укучыларның бер предметтан икенче предметка тиз арада күчә алулары,  ике фән белән дә кызыксынулары ачыкланды. Дәрестә   татар, рус, инглиз телләрендә тәрҗемә эше, ике телдә ял итү минутлары, видеосюжет, мөстәкыйль эш, укучыларның белемнәрен ике телдә тикшерү белән  үрелеп алып барылды. Дәрес ахырында укучылар кунакта үзеңне әдәпле тотарга кирәклегенә  төшенделәр.