Бу дөньяда өч изге һөнәр бар диләр. Беренчесе – кешеләрне туендыручы, икенчесе – дәвалаучы һәм өченчесе – кешеләргә аң-белем бирүче. Татар халык язучысы Фәнис Яруллин юкка гына укытучыларны иң гүзәл кеше дип атамыйдыр. Укытучы булмаса, президент та, пешекче дә, табиб та булмас иде...

Көзнең күркәм, ямьле бәйрәмнәре - Укытучылар һәм Өлкәннәр көне. 7 нче октябрь көнне мәктәбебездә көне буе бәйрәм рухы булды. Укучылар чын күңелләреннән укытучыларын тәбрикләделәр, хәзерге көндә лаеклы ялда булучы ветеран укытучыларны һәм мәктәп хезмәткәрләрен бәйрәм белән котладылар, дәресләрдән соң укучылар һәм укытучылар тарафыннан әзерләнгән концерт номерлары укытучылар хөрмәтенә тапшырылды.

Укытучылар бу көнне чәчәк бәйләмнәренә һәм укучыларының котлауларын күмелде.