21 март көнне Яр Чаллы шәһәренең балалар театр сәнгате мәктәбендә, сәхнә осталыгының Бөтенроссия “Если бы...”дип исемләнгән Vнче Ачык фестиваль-конкурсы булып узды. Конкурста, төрле төбәкләрдән җыелган 60 тан артык укучы катнашкан иде. Ул көнне Азнакай сәнгать мәктәбе данын Илдар Ансар улы Динмөхәммәтов җитәкчелегендә эшләп килуче “Нәфис сүз” студиясе укучылары яклады.Азамат Миргалиев Габдулла Шамуковның “Хөрмәткә тарыган фил” ,Мәдинә Мансурова Иван Крыловның Әхмәт Исхак тәрҗемәсендә “Төлке һәм виноград” мәсәлләре белән чыгыш ясап,икеседә, III дәрәҗә лауреат исеменә лаек булдылар. Шушы көннәрдә үзенең 55 еллык юбилеен билгеләп үтүче Азнакай балалар сәнгать мәктәбе тарихында, укучыларның“Сәнгать осталыгы” конкурсының “Нәфис сүз” номинациясендә катнашуы беренче иҗади уңыш. Сәхнә осталыгы буенча ,әле тәуге адымнарын гына ясаган Азамат белән Мәдинәне җиңүләре белән тәбриклибез.