28 нче апрель көнне Казанда  Кәрим Тинчурин исемендәге драма һәм комедия театры бинасында  татар халкының бөек шагыйре  Габдулла Тукайның тууына 125 ел тулу уңаеннан, Туган тел көненә багышланган Бөтенрәсәй форумы уздырылды.

 Форумда Азнакай мәгариф хезмәткәрләренең халык уен кораллары ансамбле (җитәкчесе Гатауллина Ф.Н.), бер төркем татар теле һәм әдәбияты укытучылары , татар теле һәм әдәбиятыннан республика олимпиадасында 1 урын алучы укучылар, милли мәгариф буенча директор урынбасарлары катнашты.

Республикакүләмендә милли мәгариф өлкәсендә аеруча зур өлеш керткән укытучы-остазларга, яшь буын укытучыларга, укучыларга Мәгариф һәм фән министрлыгының Мактау кәгазьләре, дипломнары һәм истәлекле бүләкләре тапшырылды.  Мондый зур бүләкләргә Кәкре Елга мәктәбенең татар теле һәм әдәбияты укытучысы Сабирова Илсөяр Сәмигулла кызы, Актүбә бистәсе 2 нче урта мәктәбенең татар теле һәм әдәбияты укытучылары лаек булды.