Татар халкының үткәнен барлаганда, без, халкыбызның бай мираслы, әдәбиятлы булуы белән бергә, асылда бик борынгыдан җор, тапкыр, үткен һәм шук телле, җыр-моңга, уен-тамашага һәвәслеген күрәбез. Татар теле һәм әдәбияты укытучысы, 9 А сыйныфы җитәкчесе Г. Н. Фазлыева укучыларын татар театрының яктылыкка, нурга илтүен күрсәтү һәм татар халкының үткәнен барлау максатыннан, 100 еллык тарихы булган Г. Камал театрына К.Тинчуринның "Зәңгәр шәл" спектаклен карарга алып барды. Ә былтыр сентябрь аенда укучылар К.Тинчурин театрында Т.Миңнуллинның "Төш" спектаклен карап, тирән кичерешләр белән кайтканнар иде.