1 март көнне Карадуган урта мәктәбендә уздырылган Муса Җәлил исемендәге II республикакүләм фәнни-гамәли конференциядә мәктәбебез директоры, филология фәннәре кандидаты Р.Ф. Бәдретдинов катнашты.

Республика мәктәпләре арасында башланып киткән "IT - чемпион" конкурсында катнашырга без әзер!

Бүген 8 сыйныф укучылары белән Валиева Нурия Йосыповна әти-ниләргә ачык дәрес күрсәтте.

26 февраль көнне әти-әниләр җыелышы булды. Мәктәп директоры Р.Ф.Бәдретдинов № 189 приказга нигезләнеп балаларның иминлеген саклау турында чыгыш ясады. 6-12 яшьлек балаларны өлкәннәргә беркетү, кич чыкмау, чит кешеләр белән аралашмау һәм “юк ”-дип әйтә белү хакында аңлатты. Әти-әниләргә куллар куйдырылды.

Алан урта мәктәбендә 23 февраль-Ватанны саклаучылар көненә карата “Солдат-Ватан сагында” -дип исемләнгән акция үтте. 50 гаиләнең 41ендә әтиләр солдат хезмәтен үткәннәр. Укучылар солдат хезмәтен үтеп кайткан әтиләре белән горурланып , аларның кайда хезмәт итүләрен чагылдырып  һәм бәйрәм белән котлап газеталар чыгардылар. Һәр сыйныф Армия хезмәтен үткән егетләрне очрашуга чакырып аларның истәлекләре белән уртаклаштылар.

Бүген химия атналыгын ачу көне булды. Шул уңайдан башлангыч сыйныф укучылары химия кабинеты белән танышып чыктылар.

"Иң яхшы Әйдаман - 2013" конкурсында Каримова Камилә катнашып матур гына чыгыш ясап кайтты.

5 нче сыйныф тимурчылары ялгыз яшәүче Гильмуллина Нурия апага барып йорт эшләрендә булышып кайттылар.

Бүген оборона масса айлыгы уңаеннан мәктәбебездә "Аҗаган - хәрби-спорт уены" үткәрелде.

Бүген мәктәбебездә "Халыкара туган тел" көне уңаеннан шигырь сөйләүчеләр һәм шигырь язучылар бәйрәме үткәрелде. Ахырдан барыбыз да "Туган тел"не җырлап таралыштык.