5-8 сыйныф кызларының җитезлеген, булганлыгын билгеләү өчен "Замана кызлары" бәйгесе үткәрелде. Кызлар ике командага бүленеп спортта һәм көнкүрештә үзләренең сәләтләрен күрсәттеләр. 

Балалар тәртибе, алдагы бурыч һәм максатлар турында сөйләшү өчен әти-әниләр мәктәпкә җыелды. Башлангыч сыйныфлар укытучысы Гобәйдуллина Ф.Ә. аларны суицид  китереп чыгарырга мөмкин булган  сәбәпләр белән таныштырды.

Физик тәрбия укытучылары, Сочида узган Олимпия уеннары алдыннан, укучыларга Россия командасы алачак медальләр санын фаразларга тәкъдим иттеләр. Мәктәптәге барлык укучы һәм укытучылар да үз фаразларын әйттеләр. Һәм шулар арасыннан төгәл итеп билгеләүчеләр  булып Мостафина Алинә, Гаязетдинова Рәмзия, Губаев Рәзил, Хәкимов Айрат, Зиннәтуллина Чулпаннар табылды. 

25 февраль көнне башлангыч сыйныф укучылары "Мальчиш-кибальчиш" уен-ярышында катнаштылар.

25 нче февраль көнне "Аҗаган -2014" үткәрелде. Укучылар бар яктан да үзләренең һөнәр-сәләтләрен күрсәттеләр: автомат сүтеп-җыйдылар, карта белән эшләделәр, йөгерделәр, каршылыклар полосасы аша үттеләр, миналар эзләделәр. Һәм иң ахырдан повар -укучылар пешергән пилмән белән сыйландылар.

2-3 сыйныфлар яраткан әтиләрен бәйрәмгә җыйдылар.  Укучылар әтиләренә үзләренең иң изге, матур теләкләрен җиткерделәр, уйнадылар, биеделәр.

"Ел укытучысы-2014" конкурсында мәктәбебезнең инглиз теле укытучысы Аухадиев И.Ф. катнашты һәм Түнтәр урта мәктәбендә "Моя семья. Любимые занятия и домашние обязанности членов семьи" темасына 4 сыйныфта дәрес һәм "Английский вокруг нас" темасына мастер-класс үткәрде.

Һәр елны Ватанны саклаучылар көнендә Арбор мәктәбе Әфганстанда һәлак булган авылдашыбыз Тәлгать Гыйльванов истәлегенә волейбол ярышы оештыра. Быел да бу көнне волейбол яратучылар көтеп алды. 7 команда кичкә кадәр көч сынашты. Нәтиҗәләр түбәндәгечә: 1 урын – Авыл яшьләре–1; 2 урын – студентлар; 3 урын – полиция хезмәткәрләре командалары. Авыл яшьләре–2, укучылар, укытучылар, җитәкчеләр командаларына уңыш киләсе елда елмаер дип өметләник. Уеннарның иганәчесе – ООО «Арбор». Ә чираттагы волейбол ярышы – 8 нче мартта хатын-кызлар арасында.

Хөрмәтле хезмәттәшләребезне - ир-ат укытучыларны 23 нче февраль - Ватанны саклаучылар көне белән котлыйбыз. Аларга саулык-сәламәтлек, бәхет-шатлыклар, гаиләләрендә тынычлык, иминлек телибез. 

Сез булганга - без терәкле, 

Сез булганга эшләү күңелле.

Сезнең дә бит без булганга гына

Эшлисегез килә түгелме?

4 нче сыйныф укучылары 23 нче февральгә карата оештырылган бәйрәмгә  әтиләрне кунакка чакырдылар һәм үзләренең һөнәрләрен күрсәттеләр. Үз чиратларында әтиләр дә тик тормады - балачакларын искә төшереп машина белән уйнадылар,