Мәктәптәге иң ихлас, иң матур кичә - Очрашу кичәсе. Искиткеч рәхәт көн булды бу. Мәктәпне 10,20,30,40,50 ел элек тәмамлаган чыгарылыш сыйныф укучылары бик канәгать булып таралдылар. 

Кат-кат укып та туеп булмый торган, геройлары белән сөйләшеп утырасы килгән әсәрләрне укучылар да ярата. Бүген 7-8 сыйныфларда шундыйларның берсе - Фатих Хөснинең "Йөзек кашы" әсәре буенча китап укучылар конференциясе үткәрелде.

Бу атна башыннан мәктәпкүләм "Оборона-масса һәм спорт-сәламәтлек" айлыгы башланып китте. Укучылар тәнәфесләрдә шашка-шахмат, теннис уйныйлар, "Аҗаган"га әзерлек эшләре алып баралар.

Бүген - Холокост фаҗигасе корбаннарын искә алу көне. Укучылар шушы темага махсус тәрбия сәгатендә әлеге вакыйга тарихы, коточкыч фаҗига турында сөйләштеләр.

Авыл китапханәсе белән берлектә эшчәнлек дәвам итә. Бүген 5-6 нчы сыйныф укучылары "Ленинград блокадасы" турында тыңладылар, Таняның көндәлеге белән таныштылар, карточкага тигән кара икмәк кадере турында уйландылар.

"Туган телләр һәм халыклар бердәмлеге елы" кысаларында бүген 1-3 нче сыйныфлар өчен "Мин Роберт Миңнуллин шигырьләрен укыйм" дигән әдәби марафон үтте.

"Татар сүзе" бәйгесендә катнашып, Рәхмәт хатына лаек булган укучылар бүләкләнде.

Мәктәбебездә "Туган телләр һәм халыклар бердәмлеге елы"н тантаналы рәвештә ачып җибәрдек. Хәерле сәгатьтә! 

Төгәл фәннәр атналыгы кысаларында 5-6 нчы сыйныф укучылары "Математик турнир" да көч сынашты.

5-6 нчы сыйныф укучылары бик күңелле итеп Туган көн кичәсе уздырды. Тәмле итеп чәй эчеп, кызыклы уеннар уйнап, җырлап - биеп күңел ачты алар.